Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Félagsleg þjónusta


 

Félagsmálanefnd Dalabyggðar fer með málefni félagslegrar þjónustu.

 

Samningur er við Borgarbyggð um félagsþjónustu og þjónustu í barnaverndarmálum. Undir þann samning falla fjárhagsaðstoð, félagsleg ráðgjöf, félagsleg liðveisla og annar stuðningur við fatlað fólk og fjölskyldur fatlaðra barna, leyfisveitingar vegna daggæslu í heimahúsum og barnavernd.

 

Starfsmenn félagsþjónustu Borgarbyggðar eru Hjördís Hjartardóttir félagsmálastjóri, Inga Vildís Bjarnadóttir félagsráðgjafi, Guðrún Kristinsdóttir þroskaþjálfi og Sigurður Ragnarsson sálfræðingur.

 

Föst viðvera félagsráðgjafa er í Stjórnsýsluhúsi Dalabyggðar, Miðbraut 11, Búðardal fyrsta og þriðja miðvikudag hvers mánaðar frá kl 13 til 16. Tímapantanir eru í síma 433 7100 eða 898 9222 milli kl. 9 og 15 virka daga.

 

Auk þess er unnt að hafa samband við félagsþjónustuna símleiðis í síma 433 7100 á milli kl. 9 og 15 aðra virka daga, fá upplýsingar og ráð eða ákveða aðra stund og annan tíma, allt eftir aðstæðum. 

 

Skrifstofa félagsmálastjóra Borgarbyggðar er á Borgarbraut 14 í Borgarnesi. Sími 433 7100 og fax 433 7101

 

Á vegum Félags- og tryggingamálaráðuneytis er starfandi úrskurðarnefnd félagsþjónustu og húsnæðismála. Þangað er m.a. unnt að skjóta ákvörðun félagsmálanefndar samkvæmt lögum nr. 40/1991 um félagsþjónustu sveitarfélaganna. Ákvörðun barnaverndarnefndar er unnt að kæra til kærunefndar barnaverndarmála samkvæmt barnaverndarlögum nr. 80/2002.