Gatnagerðargjöld - gjaldskrá

---

1. grein

Almenn heimild, innifalið í gatnagerðargöldum.

Af öllum nýbyggingum svo og stækkunum eldri húsa, sem eru á eignar- eða leigulóð í Dalabyggð, skal greiða gatnagerðargjald til sveitarsjóðs samkvæmt gjaldskrá þessari, sbr. heimild í lögum um gatnagerðargjöld nr. 17/1996 og reglugerð um gatnagerðargjöld nr. 543/1996.

Gatnagerðargjaldi skal varið til gatnagerðar í sveitarfélaginu, svo sem til að undirbyggja götur með tilheyrandi lögnum, m.a. vegna götulýsingar og til að leggja bundið slitlag, gangstéttir, umferðareyjar svo og til annarra slíkra framkvæmda sem gert er ráð fyrir í skipulagi.

2. grein

Gatnagerðargjöld

Af hverjum rúmmetra húss greiðist ákveðinn hundraðshluti byggingarkostnaðar pr. rúmmetra, í vísitöluhúsi fjölbýlis, eins og hann er á hverjum tíma samkvæmt útreikningum Hagstofu Íslands á grundvelli laga nr.42/1987.  Þó aldrei meira en 15% af  heildarbyggingarkostnaði  rúmmetra.

Gatnagerðargjöld ákvarðast eftir hústegund svo sem hér segir.

Rúmmál byggingar skal reikna samkvæmt IST-50 og miða við brúttóstærðir samkvæmt samþykktum teikningum, þ.m.t. bílgeymslur og önnur útihús.

Af viðbyggingum íbúðarhúsa í eldri hverfum, þ.e. íbúðarhús sem er 15 ára eða eldra, skal greiða 50% af venjulegu rúmmetragjaldi.

Af endurbyggingu þaka íbúðarhúsa, án aukningar á nýtingu, skal greiða 15% af venjulegu gjaldi.

Af gluggalausu kjallararými íbúðahúsa sem myndast þegar hagkvæmara er að grafa út grunn en fylla hann upp skal greiða 25% af venjulegu rúmmetragjaldi, enda sé aðeins gengt í það rými innan frá.

Í iðnaðarhúsnæði sem vegna starfsemi sinnar þarf meira en 4,0 metra lofthæð, skal hámarkslofthæð að jafnaði reiknast 4,0 metrar við útreikning rúmmetragjalds.

3. grein

Áætlun gatnagerðargjalda

Nú er ekki fyrirliggjandi samþykktur uppdráttur og skal þá miða við eftirfarandi lágmarksstærðir fyrir hverja íbúð í húsi:      

Í öllu öðru húsnæði skal við útreikning rúmmáls til gatnagerðargjalda miða við lofthæð 3,5 metra nema uppdráttur sýnir annað. Áætla skal nýtingarhlutfall lóðar 0,3-0,5 eftir nánari ákvörðun byggingarnefndar hverju sinni, ef það er ekki bundið að öðru leiti í samþykktu deiliskipulagi.   Gatnagerðargjöld sem miðað er við stærð lóðar skal ekki vera hærra en ef það væri miðað við stærð byggingar á sömu lóð, og eigi lægra en nýtingarhlutfallið 

Framangreindar reglur, í 1. og 2. mgr., gilda ef hús er stækkað, að því er til stækkunarinnar tekur.

Endanlegt gatnagerðargjald skal reikna samkvæmt 2. Gr. Þegar samþykktur uppdráttur liggur fyrir og það greitt við veitingu byggingaleyfis.

4. grein

Um lækkun gatnagerðargjalda og frestun innheimtu

Sveitarstjórn getur ákveðið gatnagerðargjöld sérstaklega í þeim tilvikum þegar byggingar eru sérhæfðar og /eða afbrigðilegar um notkun og annað slík. Gatnagerðargjöld skal ekki leggja á byggingar sem reistar eru utan þéttbýlissvæða, þ.e. á byggingar sem eru utan skipulagðra svæða og þar sem gatnakerfi sveitarfélagsins nær ekki til.

Sveitarstjórn er heimilt að fresta innheimtu gatnagerðagjöld af tekjulágum eigendum fasteigna, sem náð hafa 67 ára aldri og þeim sem eiga við langvarandi veikindi eða örorku að stríða.

Verði eigendaskipti að húseign þar sem frestað hefur verið innheimtu á gatnagerðargjöldum, skal sveitarstjórn heimilt að leggja á gjöldin eins og það var þegar álagning fór fram með áorðnum breytingum á byggingavísitölu, enda sé kvöðinni þinglýst á viðkomandi eign.

5. grein

Álagning gatnagerðargjalds m.a. ef hús er rifið eða það brennur.

Þegar hús er rifið eða fjarlægt af lóð og nýtt byggt í þess stað, er heimilt að innheimta gatnagerðargjöld að því er stækkuninni nemur skv. 2. gr.  Sama gildir ef hús brennur og byggt er nýtt hús á lóðinni.

6. grein

Greiðslur

Greiða skal 50% gatnagerðargjalda innan eins mánaðar frá lóðarveitingu og eftirstöðvar þegar byggingaleyfi er veitt.

Byggðarráð getur veitt sérstakan greiðslufrest á gatnagerðargjöldum tengdu veitingu byggingaleyfis, þegar byggt er atvinnuhúnæði eða húsnæði til endursölu, samkvæmt sérstökum greiðslusamningi sem kveður á um skilmála og greiðslukjör.

7. grein

Endurgreiðsla gatnagerðargjalds

Gatnagerðargjald skal endurgreitt í eftirtöldum tilvikum.

     a)   Ef lóðarhafi skilar úthlutaðri lóð eða ef lóðarúthlutun er afturkölluð.

     b)   Ef gatnagerðargjald hefur verið greitt í tengslum við 
           útgáfu byggingarleyfis, en leyfið fellt úr gildi.

Endurgreiðslu gatnagerðargjalda skv. A-lið 1.mgr. er heimilt að fresta þar til lóð er úthlutað að nýju, þó ekki lengur en 6 mánuði.  Frestur til endurgreiðslu er í öðrum tilvikum 1 mánuður frá því að lóðarhafi krefst endurgreiðslu gatnagerðargjalda skv.b-lið 1. mgr.

Gatnagerðargjöld skulu endurgreidd og verðbætt miðað við vísitölu byggingakostnaðar, frá því lóðhafi greiddi gatnagerðargjöld til endurgreiðsludags.

8. grein

Heimild til afturköllunar lóðarúthlutunar og/ eða byggingaleyfis ef gatnagerðargjöld er ekki greitt

Nú greiðir lóðarhafi ekki gatnagerðargjöld á tilskyldum tíma og er sveitarstjórn þá heimilt að afturkalla byggingarleyfið og/eða lóðarúthlutun, og skal kveðið svo á í úthlutunar-eða byggingarskilmálum. 

9. grein

Ábyrgð á greiðslu gatnagerðargjalda – lögveð

Lóðhafi ber ábyrgð á greiðslu gatnagerðargjalda

Gatnagerðargjöld er ásamt áföllnum vöxtum og kostnaði tryggt með lögveðrétti í viðkomandi fasteign með forgangsrétti fyrir hvers konar samningsveði og aðfaraveði.  Lögveðrétturinn helst þó samið verði um greiðslufrest skv. 2.mgr. 6. gr. og skal þess getið í skilmálum.

10. grein

Um eldri samninga og gatnagerðargjöld álögð fyrir 1. janúar 1997

Samningur og skilmálar um gatnagerðargjöld og álög gjöld fyrir 1. janúar 1997, skulu halda gildi sínu og innheimtast skv. heimild í ákvæði til bráðabirgðar í lögum um gatnagerðargjald nr. 17/1996, sbr. 15.gr.reglugerðar um gatnagerðargjöld nr.543/1996.


Samþykkt í sveitarstjórn Dalabyggðar 30. desember 2008