Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Byggðarráð, fundur nr. 234

Dags. 24.10.2019

234. fundur Byggðarráðs Dalabyggðar haldinn  í stjórnsýsluhúsinu í Búðardal, 24. október 2019 og hófst hann kl. 10:10


Fundinn sátu:
Skúli Hreinn Guðbjörnsson formaður, Sigríður Huld Skúladóttir varaformaður, Þuríður Jóney Sigurðardóttir aðalmaður og Kristján Sturluson sveitarstjóri.


Fundargerð ritaði:  Kristján Sturluson, sveitarstjóri

 

Dagskrá:

 

1. Fjárhagsáætlun 2020-2023 - 1903025

Umræða um áætlun
Dagskrá íbúafundar

Drög að fjárhagsáætlun rædd. Verða afgreidd til sveitarsjórnar á fundi byggðarráðs 28. október.

 

Dagskrá íbúafundar verði: (1) Kynning á fjárhagsáætlun. (2)Sorpmál, fá kynningu frá Sorpurðun Vesturlands. (3) Niðurstöður stefnumótunar í framhaldi af íbúaþingi.

 
Samþykkt samhljóða.

 

2. Fjárhagsáætlun 2019 - viðauki IV - 1910021

Viðauki í framhaldi af ákvörðun sveitarstjórnar frá 10. október sl. um styrk til UMF Ólafs Pá vegna líkamsræktaraðstöðu. Einnig vegna ráðgjafa varðandi samstarf Silfurtúns og Fellsenda. Viðbótarkostnaður vegna refa- og minnkaveiða.

Samþykkt að leggja til við sveitarstjórn að samþykktur verði viðauki um eftirfarandi:


Styrkur til UMF Ólafs Pá verður kr. 4.300.000, kostnaður Tónlistarskóla lækkaður um kr. 4.300.000.

 
Ráðgjafi fyrir Silfurtún kr. 400.000, kostnaður félagsþónustu lækkar um kr. 400.000.

 
Kostnaður vegna refa- og minnkaveiða hækkar um kr. 900.000, kostnaður vegna gitðinga og eftirlits lækkar um kr. 900.000.


Samþykkt samhljóða.

 

3. Gjaldskrá, Fjósar og réttin - 1910022

Tillaga að gjaldskrá fyrir geymslu í réttinni og á Fjósum, einnig beitarland og ræktað land.

 

Byggðarráð leggur til við sveitarstjórn að gjaldskráin (sjá fylgiskjal) verði samþykkt.


Samþykkt samhljóða.


Ingibjörg Jóhannsdóttir aðalbókari sat fundinn undir dagskrárliðum 1 til 3.

 

4. Afskriftir 2019 - 1909014

Sýslumaðurinn á Vesturlandi óskar eftir afskrift á kröfum samtals að upphæð kr. 6.827.219 (höfðstóll kr. 2.459.240 og dráttarvextir kr. 4.367.979).

 

Samþykkt samhljóða.

 

5. Opnunartími Sælingsdalslaugar - 1910016

Borist hafa þrjár fyrirspurnir vegna opnunartíma Sælingsdalslaugar í vetur.

 

Verður skoðað í byrjun næsta árs eftir að meiri reynsla er komin á núverandi opnunartíma.


Samþykkt samhljóða.

 

6. Ósk um breytingu á skatthlutfalli fasteignagjalda - Fóðuriðjan Ólafsdal ehf. - 1902026

Yfirfasteignamatsnefnd hefur úrskurðað í málinu vegna 2019. Máli vegna 2012 til 2018 vísað frá.

 

Formanni byggðarráðs og sveitarstjóra falið að funda með forsvarsmanni Fóðuriðjunnar Ólafsdal ehf.


Samþykkt samhljóða.

 

7. Fjárbeiðni Stígamóta fyrir árið 2020. - 1910020

Byggðarráð óskar Stígamótum velfarnaðar en hafnar erindinu.

 
Samþykkt samhljóða.

 

8. Ægisbraut 2 - 1905028

Lagt til að samið verði við Harald Guðjónsson fasteignasala hjá Fasteignasölunni Bæ um að annast söluferli á Ægisbraut 2. Haraldur heldur utan um söluferli á Ægisbraut 4 fyrir Fasteignafélagið Hvamm ehf.

 

Samþykkt samhljóða.

 

9. Trúnaðarbók byggðaráðs - 1901024

Fært í trúnaðarbók vegna persónuverndar.

 

Málið rætt og fært í trúnaðarbók.

 

10. Samgöngumál - samgönguáætlun - 1810014

Drög að fimmtán ára samgönguáætlun eru í samráðsgátt og er frestur til að skila umsögn til 31. október 2019.

 

Frestað til næsta fundar.

 

11. Laugar í Sælingsdal, staða og framtíð - 1809013

Komin niðurstaða að tilboði í Laugar hefur verið rift og annar aðili mun ekki ganga inn í tilboðið.

 

Málið kynnt.

 

12. Lausaganga hrossa í Dalabyggð - 1906014

Frestað á fundi byggðarráðs 26. september sl.


Haft var samband við Búnaðarsamtök Vesturlands. Aðkoma þeirra varðar það ef meta þarf girðingar.

 

Málið kynnt.

 

13. Stofnun húsnæðissjálfseignarstofnunar. - 1901003

Drög að stofnskrá húsnæðissjálfseignar hafa verið send til umsagnar hjá félagsmálaráðuneyti.

 

Umsögn um stofnskrá hefur ekki borist.


Á fundinum var rætt í síma við Elmar Erlendsson hjá Íbúðalánasjóði.

 

14. Þrífasa rafmagn í Dalabyggð. - 1909020

Frestað á fundi byggðarráðs 26. september sl.

 

Það er farið að koma alvarlega við starfsemi mjólkurframleiðenda (t.d. Leiðólfsstaðir, Lyngbrekka, Saurstaðir og Skerðingsstaðir) í Dalabyggð að þeir hafa ekki aðgang að þrífasa rafmagni.

 

Byggðarráð leggur áherslu á að RARIK veiti tengingum við þessa staði forgang auk þess sem tryggja þarf þrífasa rafmagn til ferðaþjónustuaðila.

 
Samþykkt samhljóða.

 

15. Mál frá Alþingi til umsagnar - 2019 - 1901005

Tillaga til þingsályktunar um búsetuöryggi í dvalar- og hjúkrunarrýmum., 41. mál.
Tillaga til þingsályktunar um upplýsingamiðlun um heimilisofbeldismál, 116. mál.
Tillaga til þingsályktunar um orlofshúsnæði örorkulífeyrisþega, 35. mál.
Tillaga um stefnumótandi áætlun í málefnum sveitarfélaga fyrir árin 2019?2033 og aðgerðaáætlun fyrir árin 2019-2023, 148. mál.
Frumvarp til laga um barnaverndarlög (refsing við tálmun eða takmörkun á umgengni), 123. mál.

 

Sveitarstjóra falið að senda umsögn um tillögu um stefnumótandi áætlun í málefnum sveitarfélaga í samræmi við umræður á fundinum.


Samþykkt samhljóða.

 

16. Vesturbraut 20 - 1907001

Kaupsamningur lagður fram.

 

17. Talað fyrir daufum eyrum - 1910018

Fundarboð lagt fram til kynningar.

 

 

 

Fleira ekki gert. Fundi slitið kl. 15:25


 



Til baka