Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Byggðarráð, fundur nr. 228

Dags. 25.7.2019

228. fundur Byggðarráðs Dalabyggðar haldinn  í stjórnsýsluhúsinu í Búðardal, 25. júlí 2019 og hófst hann kl. 10:00


Fundinn sátu:
Skúli Hreinn Guðbjörnsson formaður, Sigríður Huld Skúladóttir varaformaður, Þuríður Jóney Sigurðardóttir aðalmaður og Kristján Sturluson sveitarstjóri.


Fundargerð ritaði:  Kristján Sturluson, sveitarstjóri

 

Lagt til að mál. nr.1904034 Sorphreinsun - útboð 2020 - 2022 verði tekið á dagskrá fundarins og verði dagskrárliður 11. Aðrir dagskrárliðir færast í samræmi við það.


Samþykkt samhljóða.

 

Dagskrá:

 

1. Hugmynd um notkun félagsheimilisins á Staðarfelli. - 1905018

Guðrún Tryggvadóttir mætir á fundinn.

 

Guðrún kynnti tillögur sínar.
Samþykkt samhljóða að Guðrún fái aðstöðu í félagsheimilinu að Staðarfelli í ágúst og að henni verði falið í samstarfi við sveitarstjóra að vinna hugmyndir um framtíðarsýn fyrir félagsheimilið sem listamannasetur.

 

2. Umsókn í styrkvegasjóð 2019 - 1902032

Úr fundargerð 227. fundar byggðarráðs 07.07.2019, dagskrárliður 6:
1902032 - Umsókn í styrkvegasjóð 2019


Svar hefur borist frá Vegagerðinni vegna umsóknar í styrkvegasjóð. Veittur styrkur er kr. 4.000.000.


Byggðarráð fagnar auknu framlagi til styrkvega. Áætlun um framkvæmdir verður lögð fyrir fund ráðsins 25. júlí.

 

Viðar Ólafsson verkstjóri mætti á fundinn.


Eftirfarandi úthlutun samþykkt samhljóða:


Reykjadalsvegur 200.000
Ljárskógarfjallsvegur 1.000.000
Skarðsstöðvarvegur 400.000
Brekkudalsvegur 100.000
Villingadalsvegur 50.000
Hvammsdalskot 300.000
Hvarfsdalsvegur 400.000
Flekkudalur 100.000
Efribyggðarvegur 400.000
Lambastaðavegur 200.000
Annað 650.000
Vinna frá áhaldahúsi 200.000
Samtals 4.000.000

 

3. Kæra á ákvörðun Skipulagsstofnunar um að breikkun Vesturlandsvegar - 1907004

Lagt fyrir byggðarráð í orlofi sveitarstjórnar.

 
Sveitarfélögin á Vesturlandi hafa öll kært ákvörðun Skipulagsstofnunar vegna breikkunar Vesturlandsvegar.

 

Ákveðið var að kæra ákvörðun Skipulagsstofnunar eftir óformlegt samráð milli sveitarstjórnarmanna.


Byggðarráð staðfestir ákvörðun um kæruna.
Samþykkt samhljóða.

 

4. Skólaakstur 2019 - 2022 - 1901043

Lagt fyrir byggðarráð í orlofi sveitarstjórnar.
Niðurstöður kynntar.

 

Ríkiskaup hafa tilkynnt lægstbjóðendum í hverja akstursleið að tilboðum þeirra hafi verið tekið.
Niðurstaðan samþykkt samhljóða.

 

5. Líkamsræktaraðstaða í Dalabyggð - 1902011

Lagt fyrir byggðarráð í orlofi sveitarstjórnar.


Erindi vegna líkamsræktaraðstöðu í Búðardal.

 

Byggðarráð þakkar fyrir erindið og undirskriftarlistann. Fullur vilji er til að vinna að framtíðarlausn í samstarfi við Ungmennafélagið Ólaf Pá.


Sveitarstjóra falið að svara bréfinu samkvæmt samþykktum sveitarstjórnar.
Samþykkt samhljóða.

 

6. Beiðni vegna tengivega við jarðirnar Dranga og Breiðabólstað - 1906017

Lagt fyrir byggðarráð í orlofi sveitarstjórnar.

 

Byggðarráð felur skipulagsfulltrúa að svara erindinu.
Samþykkt samhljóða.

 

7. Staða kjarasamninga 2019 - 1905037

Lagt fyrir byggðarráð í orlofi sveitarstjórnar.

 
Bréf Stéttarfélags Vesturlands lagt fram.

Samningsumboð Dalabyggðar vegna kjarasamninga er hjá samninganefnd Sambands íslenskra sveitarfélaga. Framkvæmd Dalabyggðar á launagreiðslum er í samræmi við niðurstöðu samninganefndarinnar.
Samþykkt samhljóða.


Þuríður vék af fundi undir dagskrárlið 7.

 

8. Ítrekun sveitarstjórnar vegna samgönguáætlunar. - 1905015

Lagt fyrir byggðarráð í orlofi sveitarstjórnar.

 
Úr fundargerð 176. fundar sveitarstjórnar 13.06.2019, dagskrárliður 14:
1905015 - Snæfellsnesvegur (54) Blönduhlíð - Ketilsstaðir
Úr fundargerð 94. fundar umhverfis- og skipulagsnefndar 07.06.2019, dagskrárliður 4:
1905015 - Snæfellsnesvegur (54) Blönduhlíð - Ketilsstaðir
Umsókn um framkvæmdaleyfi vegna fyrirhugaðra framkvæmda á Snæfellsvegi um Skógarströnd frá Blönduhlíð að Ketilstöðum
Nefndin gerir ekki athugasemdir við að sveitarfélagið veiti framkvæmdaleyfi, með fyrirvara um að öll leyfi liggi fyrir.
Tóku til máls: Sigríður, Eyjólfur.
Framkvæmdaleyfið samþykkt samhljóða með fyrirvara um að öll leyfi liggi fyrir.

Tillaga um að sveitarstjórn ítreki bókun og umsögn frá októberfundi 2018 um samgöngur í sveitarfélaginu auk umsagnar sem send var inn vegna samgönguáætlunar.
Samþykkt samhljóða.

 

Svar samgöngu- og sveitarstjórnarráðuneytis lagt fram.

 

Byggðarráð þakkar fyrir svar ráðuneytisins og leggur áherslu á það fylgi eftir að tekið verði tillit til ábendinga Dalabyggðar.
Samþykkt samhljóða.

 

9. Fjárhagsáætlun 2019 - viðauki II - 1905024

Haldinn verður fundur í byggðarráði 8. ágúst þar sem gengið verður frá tillögu að viðauka II.

 

10. Stefna í úrgangsmálum - 1907008

Erindi frá Umhverfisstofnun vegna stefnu í umhverfismálum. Skila þarf umsögn ekki síðar en 23. ágúst.

 

Byggðarráð vísar umfjöllun um stefnu í umhverfismálum til umhverfis- og skipulagsnefndar.
Samþykkt samhljóða.

 

11. Sorphreinsun - útboð 2020 - 2022 - 1904034

Lagt fyrir byggðarráð í orlofi sveitarstjórnar.

 
Sveitarstjóri leggur til að samningur við núverandi þjónustuaðila verði framlengdur óbreyttur um sjö mánuði þ.e. til 31. júlí 2020.

Tillagan samþykkt samhljóða.

 

12. Afnot af Árbliki vegna Járngerðarhátíðar á Eiríksstöðum - 1907007

Erindi frá rekstraraðila Eiríksstaða, barst í tölvupósti 23.07.2019:
"Við á Eiríksstöðum erum að vinna að því með Bandaríska rannsóknarfyirtækinu Hurstwic LLC að koma á fót Járngerðarhátíð á Eiríksstöðum dagana 30. ágúst til 1. september. Ásamt því að vinna að því að búa til járnið á Eiríksstöðum og bjóða upp á alls lags aðra fræðslu og tilraunastarfsemi tengt víkingatímanum, ætlum við að vera með fyrirlestra, pallborðsumræður og lokahóf í Árbliki.
Viljum við fara þess á leit að sveitarfélagið styrki okkur um sem nemur leigugjaldinu fyrir Árblik, á meðan á hátíðinni stendur."

 

Afnot af Árbliki samþykkt án endurgjalds að öðru leiti en því að greiða þarf kostnað vegna ræstingar.
Samþykkt samhljóða.

 

13. Félagsmálanefnd Dalabyggðar - 52 - 1901007F

Lagt fyrir byggðarráð í orlofi sveitarstjórnar.

 

Fundargerðin samþykkt samhljóða.

 

14. Jafnlaunavottun - 1907006

Skv. niðurstöðu Sambands ísl. sveitarfélaga og forsætisráðuneytisins er Dalabyggð eitt af 53 sveitarfélögum sem á að ljúka jafnlaunavottun fyrir árslok 2019.

Lagt fram.

 

15. Húsnæðismál á landsbyggðinni - Tilraunaverkefni - 1809019

Tölvupóstur frá Íbúðalánasjóði vegna umsóknar um stofnframlag lagður fram.

Lagt fram.

 

16. Landsfundur um jafnréttismál sveitarfélaga 2019 - 1907005

Lagt fyrir byggðarráð í orlofi sveitarstjórnar.

 
Landsfundur um jafnréttismál sveitarfélaga verður haldinn 4.-5. september.

Lagt fram.

 

17. Tilmæli Örnefnanefndar vegna enskra nafna á íslenskum stöðum - 1907003

Lagt fyrir byggðarráð í orlofi sveitarstjórnar.

 

Vísað til umhverfis- og skipulagsnefndar.

 

18. Fyrirspurn um breytingar á fjárhagsáætlun 2016 - 1804001

Lagt fyrir byggðarráð í orlofi sveitarstjórnar.


Bréf samgöngu- og sveitarstjórnarráðuneytisins um niðurstöðu þess vegna fjárhagsáætlunar og ársreiknings 2016 lagt fram.

Lagt fram.

 

 

 

Fleira ekki gert. Fundi slitið kl. 13:30

 

 

 

 

 

 


 



Til baka